Калі вы сказалі "полк Каліноўскага", вы ўжо экстрэміст. Не ведалі?
Шаўрон палка Каліноўскага
Сайт і ўсе сацсеткі "палка Каліноўскага" ў Беларусі прызналі экстрэмісцкімі матэрыяламі. Гэта не дзіўна. Але суд Цэнтральнага раёна Мінска вырашыў перастрахавацца і прызнаў экстрэмісцкай таксама саму фразу "полк Каліноўскага", у тым ліку яе напісанне лацінкай — polk Kalinouskaha.
"Візуальны матэрыял, тэкст "polk Kalinouskaha", "полк Каліноўскага", у тым ліку з якімі-небудзь надпісамі", — гаворыцца ў абноўленым рэспубліканскім спісе экстрэмісцкіх матэрыялаў.
У спіс экстрэмісцкіх матэрыялаў таксама ўключылі тэлеграм-канал Беларускага добраахвотніцкага корпуса, фэйсбук-старонку Святланы Ціханоўскай, сацсеткі некалькіх рэгіянальных выданняў — "Столін ТуТ" і "Рагачоў Online".
З поўным спісам можна азнаёміцца тут.
