Каб пацвердзіць COVID-19, беларусы прыходзяць у паліклінікі са сваімі тэстамі
Тэст на антыген COVID-19
Каб пацвердзіць COVID-19 і трапіць у статыстыку Міністэрства аховы здароўя, беларусам даводзіцца за свае грошы купляць у аптэках тэсты на антыген — і ўжо з імі ісці ў паліклініку. "Доктар яго пры вас раскрывае, сам бярэ і чакае вынік некалькі хвілін", — пішуць пра тое, як гэта адбываецца, у сацсетках.
Патрэбны тэст не на антыцелы, а менавіта на антыген. Аналіз бярэцца з насаглоткі.
На пошук патрэбнага тэста ў Мінску можна патраціць некалькі гадзін. Сайты з пералікам аптэк часта даюць няправільную інфармацыю пра наяўнасць такіх тэстаў. І на месцы аказваецца, што ёсць толькі тэст на антыцелы. А яго вынік у афіцыйную статыстыку па каранавірусе не трапіць.
