“Іслач” і “Шахцёр” не пачыналі матч, пакуль не згуляюць... Канада і Нарвегія
![“Іслач” і “Шахцёр” не пачыналі матч, пакуль не згуляюць... Канада і Нарвегія](/sites/default/files/styles/gallery_main/public/2023-08/998480839fotolia715.jpg.webp?itok=QawjmtS9)
Футбалісты “Іслачы” і “Шахцёра” не пачыналі матч, пакуль не згуляюць… хакейныя зборныя Канады і Нарвегіі. Гэты выпадак адбыўся ў панядзелак, 15 траўня. Прычына была ў жывой трансляцыі на тэлеканале “Беларусь 5”.
Як інфармуе “Прессбол”, хакейны матч чэмпіянату свету дэманстраваўся ў жывым эфіры і каб футбольны матч чэмпіянату Беларусі таксама паказваўся ў жывым эфіры са стартавага свістка, давялося чакаць 5 хвілін. Дарэчы, канадцы ўпэўнена выйгралі ў нарвежцаў (заўтрашніх сапернікаў беларусаў) — 5:0.