Інфляцыя ў Беларусі за студзень склала 1,5%

Месячная інфляцыя за студзень у Беларусі склала 1,5%, паведамляе Белстат. Пры гэтым прадукты падаражэлі на 2%.

Інфляцыя за снежань 2021-га была значна ніжэйшай і склала 0,9%.

У параўнанні са студзенем 2021-га інфляцыя склала 10%. Кошты на прадукты за год павялічыліся на 12%, на нехарчовыя тавары — 9,3%, а на платныя паслугі — 9,1%.

Да канца гэтага года беларускія ўлады плануюць утрымаць інфляцыю на ўзроўні 6%.