Хакеісты мінскага "Дынама" атрымалі чарговую валявую перамогу

Хакеісты мінскага "Дынама" атрымалі чарговую валявую перамогу. У суботу ў гасцявым матчы чэмпіянату Кантынентальнай хакейнай лігі яны выйгралі па булітах у "Северстали" — 4:3 (0:2, 2:0, 1:1, 0:0, 1:0). Матч праходзіў у роўнай гульні. У першым перыядзе лік адкрыў Данііл Воўчанка (2-я хвіліна), Войцех Полак у большасці павялічвае адрыў у ліку (10-я). Мінчукі адыграліся ў другім перыядзе на працягу хвіліны, калі шайбы закінулі Артур Гаўрус (31-я) і Аляксандр Паўловіч (32-я, у меншасці). У трэцім перыядзе каманды абмяняліся шайбамі: Дзмітрый Кагарліцкі (48-я, у большасці) і Аляксандр Кулакоў (51-я). У булітнай серыі рашаючую шайбу закінуў Аляксандр Мацярухін.

Такім чынам дынамаўцы рэабілітаваліся пасля разгромных паражэнняў ад СКА і ЦСКА. 17 кастрычніка беларускі клуб згуляе ў гасцях з "Сочы", пачатак у 19.30.

Мінскае "Дынама" пасля 18 матчаў мае 12 перамог і 6 паражэнняў, на яго рахунку 34 ачкі і шостае месца ў Заходняй канферэнцыі.