Хакеісты гродзенскага “Нёмана” сталі лідарамі чэмпіянату Беларусі

Хакеісты гродзенскага “Нёмана” сталі лідарамі чэмпіянату Беларусі. Пра гэта стала вядома пасля перамогі каманды над “Металургам” — 4:1 (0:0, 2:0, 2:1). “Шахцёр” і “Юнацтва” ў аўторак прайгралі. Салігорская каманда саступіла ў гасцях “Дынама-Маладзечна” — 3:6 (1:1, 0:3, 2:2), а мінчукі на сваёй пляцоўцы — “Гомелю” — 2:5 (0:2, 2:1, 0:2).

“Нёман” мае 78 ачкоў, “Юнацтва” — 77, “Шахцёр” — 76. 25 студзеня “Шахцёр” згуляе з “Юнацтвам”, а “Нёман” — з “Гомелем”.