З'явілася відэа, як расійская авіяцыя не змагла збіць украінскі дрон у Крыме
![Расіяне атакуюць беспілотнік / Кадр з відэа](/sites/default/files/styles/gallery_main/public/2023-09/v0001.jpg.webp?itok=WG6Tp7DW)
Расіяне атакуюць беспілотнік / Кадр з відэа
Галоўнае ўпраўленне разведкі Мінабароны Украіны паказала відэа, як расійская авіяцыя не змагла збіць украінскі беспілотнік у Крыме. Яго працяглы час атакавалі два баявыя верталёты і самалёт.
Расіяне заўважылі беспілотнік у раёне мысу Тарханкут, дзе нядаўна новай украінскай ракетай быў знішчаны расійскі ракетны комплекс С-400 (што зафіксаваў украінскі дрон). Там жа высаджваўся на бераг украінскі спецназ.
Авіяцыя РФ абстрэльвала беспілотнік, але ён не атрымаў пашкоджанняў і вярнуўся на базу. Яго аператар назваў расійскіх лётчыкаў "крыварукімі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.