Вы тут

Гродзенскія ратавальнікі выцягнулі шчанюкоў, якія захраслі ў бетоннай пліце

Ратаванне шчанюкоў у Гродне / grodno.mchs.gov.by

16 снежня гродзенскім ратавальнікам затэлефанавалі і папрасілі дапамагчы шчанюкам, якія захраслі ў бетоннай пліце. Надзвычайнае здарэнне адбылося на закінутым участку ў раёне Панямунь, паведамляе прэс-служба МНС.

Мяркуецца, што шчынюкі правялі ў "пастцы" двое сутак. Іх піск пачула дзяўчына, якая праходзіла міма. Менавіта яна і выклікала дапамогу. 

Ратавальнікі разрэзалі пліту, а потым акуратна разбілі яе, каб не нашкодзіць шчанюкам. Аперацыя па выратаванні жывёлаў доўжылася некалькі гадзін.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.