Гродзенскі стадыён “Нёман” стане больш даступным для інвалідаў

Больш даступным для людзей з абмежаванымі фізічнымі магчымасцямі стане гродзенскі стадыён “Нёман”.  Падрабязнасці паведамляе наш карэспандэнт Сяргей Апановіч:

“Пасля рэканструкцыі і пераабсталявання на заходняй трыбуне стадыёна мусіць запрацаваць ліфт, які будзе падымаць людзей у інвалідных калясках на другі ярус. Гэтае і іншыя новаўвядзенні запланаваныя на пачатак новага футбольнага сезона.

Аднак да часу, пакуль гэты ліфт не запрацуе, месцы для такіх людзей могуць быць абсталяваныя каля электроннага табло”.