Гродзенскі ХК "Нёман" стаў другім фіналістам чэмпіянату Беларусі

Гродзенскі хакейны клуб "Нёман" стаў другім фіналістам чэмпіянату Беларусі. 

У паўфінальнай серыі да чатырох перамог гродзенцы выйгралі ў салігорскага "Шахцёра" з лікам 4:3.

Вырашальны матч прайшоў 1 красавіка ў Гродне. Гаспадары святкавалі перамогу з лікам 3:0 (1:0, 2:0, 0:0). Забітымі шайбамі адзначыліся Мікіта Крыскін, Сяргей Смураў і Сяргей Маляўка.

Раней фіналістам стаў мінскі клуб "Юнацтва", які ў паўфінальнай серыі апынуўся мацнейшым за "Дынама-Маладзечна" (4:0).

Першы матч фінальнай серыі (да чатырох перамог) паміж "Юнацтвам" і "Нёманам" пройдзе 3 красавіка ў Мінску.

"Дынама-Маладзечна" і "Шахцёр" разыграюць паміж сабой бронзу.