Грабоўскі перарваў 9-матчавую серыю без шайбаў і галявых перадач (відэа)
Аднак яго каманда пацярпела паражэнне ў чарговым матчы рэгулярнага чэмпіянату НХЛ.
Беларускі хакеіст Міхаіл Грабоўскі перарваў 9-матчавую серыю без закінутых шайбаў і выніковых перадач. У чарговым матчы рэгулярнага чэмпіянату НХЛ "Айлендэрс", за які ён выступае, прайграў у гасцях "Мінесоце" — 4:5.
Грабоўскі быў асістэнтам Бэйлі, калі той зрабіў лік 4:1 на карысць "Айлендэрс". Але пераможны лік госці ўтрымаць не здолелі і прайгралі ў асноўны час.
