Госць жывога эфіру — кіраўнік праекта "Имена" Кацярына Сінюк. Слухайце ў 15.00!
У 15.00 на жывы эфір Еўрарадыё завітае кіраўнік праекта "Имена", журналістка Кацярына Сінюк. На мінулым тыдні беларусаў шакаваў матэрыял "Имён" пра дарослых сірот-інвалідаў, якія жывуць у мінскім доме-інтэрнаце і важаць як трохгадовыя дзеці. Матэрыял прадказальна разгневаў чыноўнікаў. Цяпер праводзіцца праверка па фактах, агучаных у публікацыі, а грамадскасць перажывае за лёс доктара, які наважыўся сказаць пра праблему ўслых. Абмяркоўваем магчымыя варыянты развіцця падзей.
