Гомельская міліцыя шукае расійскага вайскоўца, які скраў арэнднае аўто
![Расіянін, якога шукае міліцыя](/sites/default/files/styles/gallery_main/public/2024-03/rasiejec-2803-1.jpg.webp?itok=eo8sVQhp)
Расіянін, якога шукае міліцыя / ТРК "Мазыр"
На Гомельшчыне шукаюць расійскага вайскоўца, які скраў арэнднае аўто. У Расію ён з'ехаў разам з мясцовай дзяўчынай, піша "Флагшток".
У вышуку мужчына лічыцца з восені 2023 года — тады скончыўся месячны тэрмін арэнды машыны, якую вайсковец не вярнуў. На расіяніна пачалі крымінальную справу, бо кошт аўто складае больш за 44 тысячы рублёў — гэта лічыцца махлярствам у асабліва буйным памеры.
Мазырчукі, знаёмыя з сітуацыяй, каментуюць журналістам так: "Машыну, напэўна, ужо па запчастках прадаў".
Вядома, што расіянін служыў на ваенным аэрадроме Бокаў. У Мазыры ён пазнаёміўся з дзяўчынай, якая зацяжарыла. Тады пара і вырашыла з'ехаць у Расію, прыхапіўшы і машыну.
![Гомельская міліцыя шукае расійскага вайскоўца, які скраў арэнднае аўто](/sites/default/files/styles/default_image_paragraph/public/paragraphs/image/rasiejec-2803-2.jpeg.webp?itok=mRkpkHLA)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.