Генерал, які здзейсніў пераварот у Нігеры, абвясціў сябе новым лідарам
Акцыя пратэсту ў падтрымку зрынутага прэзідэнта Нігера / AFP
Генерал Абдурахман Чыяні абвясціў сябе новым лідарам Нігера, піша ВВС.
У сераду ў краіне пачаўся пераварот. Падраздзяленне прэзідэнцкай гвардыі, якім кіраваў Чыяні, схапіла лідара краіны. Чыяні ўзначальваў прэзідэнцкую ахову з 2011 года, а ў 2018 годзе экс-прэзідэнт краіны Махамад Ісуфу прысвоіў яму званне генерала.
Мяркуецца, што законны прэзідэнт Махамед Базум усё яшчэ знаходзіцца ў палоне ва ўласнай аховы.
Пераварот рэзка асудзілі ў ЕС, ААН, Афрыканскім саюзе і рэгіянальным блоку Заходняй Афрыкі.
