Фотафакт: Чарговы вандалізм у Курапатах
На выхадных невядомыя паламалі 8 крыжоў і пашкодзілі металічны Крыж памяці палякаў, расстраляных сталінскімі катамі.
Як інфармуе Радыё Свабода, зламыснікі пашкодзілі бляшаныя шыльдачкі з надпісамі на Крыжы і раскідалі вянкі ды кошыкі з кветкамі.
Нагадаем, што ў 1920-1950-х гадах ва ўрочышчы Курапаты пад Мінскам савецкія карныя органы расстралялі дзясяткі тысяч чалавек. Праўда пра гэтае злачынства ўскалыхнула ўсю краіну ў канцы 1980-х гадоў. Аднак дагэтуль у Курапатах працягваюцца акты вандалізму. Звычайна зламыснікаў міліцыя не знаходзіць.
Фота — Радыё Свабода
