Фотафакт: Беларусы дзякуюць "дзеду" Астрожскаму за перамогу над маскавітамі
У сацыяльных сетках з'явілася выява славутага гетмана Вялікага Княства Літоўскага Канстанціна Астрожскага з жартаўлівым подпісам.
"Спасіба дзеду за пабеду", — напісана на "трасянцы". Гэта рэакцыя беларусаў на расійскую прапаганду, прысвечаную ўгодкам перамогі ў Другой сусветнай вайне, і на дзейнасць расійскіх уладаў у дачыненні да Украіны.
Нагадаем, гетман Астрожскі камандаваў войскам ВКЛ, якое разбіла 8 верасня 1514 года пад Оршай утрая большае войска Маскоўскай дзяржавы. Беларускія патрыёты ад пачатку 1990-х адзначаюць 8 верасня Дзень беларускай вайсковай славы.
