Еўрапарламент прагаласаваў за прадастаўленне Украіне бязвізавага рэжыму
![Еўрапарламент прагаласаваў за прадастаўленне Украіне бязвізавага рэжыму](/sites/default/files/styles/gallery_main/public/2023-08/17796413_983419421792450_3639986363483657566_n.jpg.webp?itok=K4k4WsXH)
Еўрапарламент падтрымаў прапанову Еўракамісіі і прагаласаваў за прадастаўленне Украіне бязвізавага рэжыму. Адбылося гэта 6 красавіка на пасяджэнні ў Страсбургу. Вынікі галасавання наступныя: “За” — 521 дэпутат, “супраць” — 75, устрымаліся 36 дэпутатаў.
Прэзідэнт Украіны Пётр Парашэнка ўжо прывітаў рашэнне Еўрапарламента.
Галасаванне па гэтым пытанні пастаянных прадстаўнікоў краін-чальцоў ЕС прызначанае на 26 красавіка. Калі яно будзе станоўчым, рашэнне мусіць зацвердзіць Савет Еўрасаюза, яго падпіша кіраўнік Еўрапарламента, прадстаўнік Мальты, якая старшынствуе ў Еўрасаюзе. Пасля афіцыйнай публікацыі ў часопісе ЕС яно набудзе моц на працягу 20 дзён.