Еўракамісія асуджае прысуд нобелеўскаму лаўрэату Алесю Бяляцкаму
![Алесь Бяляцкі на судзе / БЕЛТА](/sites/default/files/styles/gallery_main/public/2023-08/bialiacki-0303.jpg.webp?itok=IT2z8_uF)
Алесь Бяляцкі на судзе / БЕЛТА
Еўракамісія рэзка асуджае прысуд нобелеўскаму лаўрэату, кіраўніку праваабарончага цэнтра "Вясна" Алесю Бяляцкаму. Пра гэта заявіла афіцыйная прадстаўніца Еўракамісіі Дана Спінант на брыфінгу 3 сакавіка, перадае DW.
Як распавядала Еўрарадыё, сёння былі абьвешчаныя прысуды праваабаронцам-"вясноўцам". Алесь Бяляцкі асуджаны на дзесяць гадоў, Валянцін Стэфановіч — на дзевяць, Уладзімір Лабковіч — на сем. Праваабаронцу Дзмітрыю Салаўёву, якога "судзілі" завочна (бо ён знаходзіцца за мяжой), прысудзілі 8 гадоў калоніі.
Акрамя таго Бяляцкаму прызначылі штраф у 185 тысяч рублёў (5000 базавых велічыняў), астатнім — па 111 тысяч рублёў (3000 базавых).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.