ЕС зацвердзіў 13-ы пакет санкцый супраць Расіі і Беларусі — Reuters
Еўрасаюз прымае новы пакет санкцый, ілюстрацыйнае фота
Еўрасаюз зацвердзіў 13-ы пакет санкцый супраць Расіі і Беларусі за вайну ва Украіне. Пра гэта паведамляе інфармагенцтва Reuters са спасылкай на ўласныя крыніцы. Афіцыйнай публікацыі дакумента яшчэ не было.
Раней паведамлялася, што ў новы пакет увойдуць амаль 200 юрыдычных і фізічных асоб, але ніякіх новых сектаральных санкцый не будзе.
Паводле неафіцыйнай інфармацыі Радыё "Свабода", трапяць пад санкцыі і прадстаўнікі Беларусі. Гаворка ідзе пра шэсць беларускіх грамадзян і тры абаронныя прадпрыемствы.
