Электрычнасць і газ падаражэлі на 20 %
Новыя тарыфы на паслугі жыллёва-камунальнай гаспадаркі ўстаноўлены пастановай беларускага ўрада. Тарыфы на газ і электрычнасць для
насельніцтва ўзраслі на 20 %, цеплавую энергію — на 12 %.
Электраэнергія будзе каштаваць 112,1 рубля за 1кВт/гадзіну. У кватэрах, абсталяваных
электраплітамі, гэтая лічба складае 81,2 рубля за кілават/гадзіну. Газ у жылых
дамах і кватэрах, дзе ўстаноўленыя лічыльнікі, у ацяпляльны сезон будзе
каштаваць 141 рубель за кубічны метр, а ў летні перыяд — 242 рублі.
У дамах і
кватэрах без індывідуальных лічыльнікаў газа пры наяўнасці газавай пліты і
цэнтралізаванага гарачага водазабеспячэння людзям давядзецца выкласці 1936
рублёў у месяц за аднаго чалавека.
