Экс-прэзідэнт Польшчы Лех Валенса шпіталізаваны
![Экс-прэзідэнт Польшчы Лех Валенса шпіталізаваны](/sites/default/files/styles/gallery_main/public/2023-08/walensa_reuters.jpg.webp?itok=sBUGWGsT)
Былы прэзідэнт Польшчы Лех Валенса трапіў у лякарню з-за праблем з кровазваротам. Пра гэта паведамляе польскае агенцтва PAP са спасылкай на сына экс-прэзідэнта Яраслава Валенсу.
Паводле яго слоў, Лех Валенса быў адпраўлены ў кардыялагічнае аддзяленне клінічнага цэнтра Гданьскага ўніверсітэта. Фотаздымкі з лякарні былі таксама апублікаваныя ў запісе палітыка ў Facebook.
Цяпер Валенсу 73 гады. Раней польскія СМІ паведамлялі, што палітык пакутуе на ішэмічную хваробу сэрца, з-за чаго яму ўсталёўвалі кардыёстымулятар.