Экс-палітвязня Іллю Міронава асудзілі на 12 сутак арышту

Ілля Міронаў / t.me/viasna96

Былога палітвязня Іллю Міронава асудзілі на 12 сутак, піша "Наша Ніва". Таксама ў яго канфіскавалі мабільнік.

Як распавядала Еўрарадыё, Міронава затрымалі 8 снежня, калі ён пайшоў у РАУС на прафілактычную гутарку. У лістападзе ён адседзеў пяць сутак па абвінавачанні ў "распаўсюдзе экстрэмісцкіх матэрыялаў".

У 2021-м Міронава асудзілі на 1,5 года калоніі па "справе Зельцэра". Сёлета ў кастрычніку ён выйшаў на волю.

Міронаў вядомы тым, што напісаў беларускім палітвязням тысячы лістоў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.