Дзве вялікія групы мігрантаў прарваліся на тэрыторыю Польшчы
На тэрыторыю Польшчы трапілі дзве вялікія групы мігрантаў, перадае Радыё "Беласток". У раёне Крынак і Белавежы праз агароджу прарваліся некалькі дзясяткаў чалавек.
Польскія памежнікі паспелі вярнуць частку мігрантаў на лінію мяжы, астатніх шукаюць. Па словах прэс-сакратара памежнікаў маёра Катажыны Здановіч, у абодвух выпадках адбылося сілавое фарсіраванне агароджаў.
У ваколіцах Кузніцы на мяжы з беларускага боку па-ранейшаму застаюцца некалькі соцень чалавек. У іх ёсць намёты, спальныя мяшкі, увечары яны паляць вогнішчы, каб сагрэцца. Мігрантаў пастаянна ахоўваюць беларускія службы.
