Вы тут

"Дынама" страціла Касціцына, Эліята і Явенку і шукае спонсараў для гульні ў КХЛ

"Дынама-Мінск" на лёдзе / minsknews.by

Праблемы з заробкамі і са спонсарамі — з такім бэкграўндам мінскае "Дынама" выйшла на адкрыты рынак свабодных агентаў. Кантракты лідараў клуба пакуль не падоўжаныя, а некаторыя з іх ужо пакінулі мінскі клуб.

Кіраўніцтва Кантынентальнай хакейнай лігі яшчэ ў красавіку пацвердзіла, што на наступны сезон заявіліся ўсе каманды, акрамя "Адмірала". Клуб з Уладзівастока не зможа выступаць у КХЛ праз тое, што ўсе прафесійныя каманды з Прыморскага краю праз распаўсюджванне каранавіруса прыпынілі заключэнне кантрактаў са спартсменамі на сезон 2020/2021.

Як паведамляе БК "1хСтаўка", цяпер кіраўніцтва "Дынама-Мінск" вядзе актыўны пошук спонсараў. Яны патрэбныя і для камплектавання складу, і для выканання рэгламенту КХЛ. Эксперты адзначаюць, што ёсць сур'ёзныя рызыкі наконт выступу ў гэтай лізе на наступны сезон. Зрэшты, для Беларусі мінскае "Дынама" — нацыянальны праект, а ўдзел беларускага клуба ў КХЛ важны для развіцця гульцоў і падрыхтоўкі іх для нацыянальнай зборнай. Магчыма, клуб зможа знайсці фінансаванне. Аднак меркаваць пра яго аб'ёмы пакуль што немагчыма.

Цяпер ужо былы лідар "Дынама" Андрэй Касціцын / t.me/hcdinamoby

"Дынама" і раней не магло пахваліцца велізарным бюджэтам. Клуб рабіў стаўку на замежных хакеістаў, вакол якіх збіралася каманда з мясцовых выхаванцаў. Аднак пасля правальнага мінулага сезона ў Мінску наўрад ці будуць утрымліваць дарагіх легіянераў. Босы "Дынама" ўжо адзначылі, што каманда будзе ўкамплектаваная за кошт прыцягнення маладых беларускіх гульцоў.

Пакуль што афіцыйна "Дынама" пакінулі тры важныя гульцы. Канадскі абаронца Стэфан Эліят падпісаў двухгадовы кантракт з "Фрэлундай". У мінулым сезоне ён адзначыўся васьмю ачкамі ў васямнаццаці матчах за "Дынама". Таксама з Мінска з'ехаў Андрэй Касціцын, які стаў гульцом "Нафтахіміка". 35-гадовы форвард у мінулым сезоне быў другім бамбардзірам каманды — на яго рахунку трыццаць чатыры балы ў шасцідзесяці гульнях за мінчукоў.

Стэфан Эліят / t.me/hcdinamoby

Наступным гульцом "на выхад" стаў абаронца Алег Явенка. Ён стаў гульцом чэлябінскага "Трактара". У мінулым чэмпіянаце Явенка адыграў у сарака васьмі матчах, набраўшы шэсць балаў за выніковасць.

Алег Явенка / t.me/hcdinamoby

Эксперты БК "1хСтаўка" ўпэўненыя, што гэтымі гульцамі спіс хакеістаў, якія пакінулі "Дынама", не абмяжуецца. Можна спампаваць праграму "1хСтаўка" і паставіць на вынік мінскай каманды ў наступным сезоне.

Тым не менш "Дынама" працягвае спробы ўкамплектаваць склад. Для гэтага мінскі клуб падпісаў пробныя кантракты з трыма хакеістамі "Гомеля". 18-гадовы Алег Качалоўскі пачынаў сезон у моладзевай зборнай, выступіўшы ў яе складзе ў Экстралізе Б — трыццаць два матчы. У "Гомелі" ён набраў дванаццаць ачкоў у дваццаці пяці гульнях. 20-гадовы Аляксандр Скарэнаў быў адным з лідараў гэтай каманды — на яго рахунку шэсцьдзесят чатыры сустрэчы і трыццаць пяць набраных ачкоў. Скарэнаў патэнцыйна можа стаць адным з лідараў "Дынама", бо яшчэ ў мінулым сезоне ён атрымліваў выклікі ў зборную Беларусі.

Трэцім навічком стаў 18-гадовы Насер Субхі. Ён таксама правёў адносна шмат матчаў у складзе "Гомеля" — 62 — і адзначыўся дваццаццю адным балам за выніковасць.