У сераду ў Беларусі чакаюцца дождж і мокры снег

У сераду, 29 студзеня, у Беларусі захаваецца воблачнае надвор'е, паведамляе Белгідрамет. 

Уначы пераважна па захадзе краіны, а зранку і ўдзень на большай частцы тэрыторыі пройдуць дождж і мокры снег. Удзень месцамі чакаецца моцны мокры снег, наліпанне мокрага снегу. 

Уначы і зранку месцамі прагназуюцца слабыя туман і галалёд, на асобных участках дарог — галалёдзіца. Вецер будзе паўднёва-ўсходні, паўднёвы ўмераны. 

Тэмпература паветра на працягу сутак будзе вагацца ў дыяпазоне ад 1 градуса марозу да 4 цяпла. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.