Для мінчукоў павысілася "камуналка"
На 1,8% павысіліся ў Мінску тарыфы на жыллёва-камунальныя паслугі насельніцтву, субсідаваныя дзяржавай. Зроблена гэта з улікам інфляцыі.
Адпаведнае рашэнне №452 зацверджанае Мінгарвыканкамам 27 лютага 2014 года і апублікаванае на Нацыянальным прававым інтэрнэт-партале, перадае БелаПАН.
Згодна з дакументам, тарыф на паслугі па тэхнічным абслугоўванні жылых дамоў складзе 610,8 рубля ў месяц за 1 кв. м агульнай плошчы жылога памяшкання. Тарыф на водазабеспячэнне павялічаны да 1018 рублёў за 1 куб. м, на каналізацыю — да 661,7 рубля за 1 куб. м.
Кошт карыстання ліфтамі складзе 2392,3 рубля з аднаго жыхара ў месяц.
Фота — reb.by
