Вы тут

"Даверыцца патоку і стаць ім": Burning Man 2019 вачыма беларусаў

instagram.com/plainjane

Штогод у ЗША ў пустыні Блэк-Рок праходзіць культавы фестываль Burning Man, які збірае па 80 тысяч чалавек за раз. Беларусы на гэтым фестывалі не самыя частыя госці. Прычын шмат, пачынаючы ад геаграфічнай аддаленасці і высокай цаны білета і заканчваючы складанасцямі з яго набыццём. І ўсё ж кожны год некалькі беларусаў прымудраюцца дабрацца да галоўнага контркультурнага фестывалю ў свеце і атрымаць асалоду ад непаўторнага адчування свабоды, мастацтва і жыцця пасярод невадскай пустыні. Еўрарадыё знайшло беларусаў, якія сёлета наведалі "палаючага чалавека".

Воля Палюшык

Вакалістка гурта PROSSPEKT ужо не першы раз прыязджае на Burning Man. Разам са сваім калегам Мікалаем Знахарчуком яны наведваюць фестываль з 2017 года.

Воля Палюшык

"Burning Man 2019 быў занадта ўзрушальным, каб быць рэальнасцю. Гэта быў мой трэці раз. І кожны раз па-іншаму. Першы раз я быў проста ў шоку. Другі раз я адчула сябе як дома, калі прыехала. І гэтым разам я адчула, што я быццам і не пакідала гэтага месца", — піша Вольга сябе ў "Інстаграме".

Посмотреть эту публикацию в Instagram

(Рус⤵️) Sleeping at Burning Man. BM is 24 hours event. You don’t want to waist time sleeping. But this year I did a great job - two times I have been sleeping for eight hours a day in general (night sleep+nap). You can sleep in your tent (but it’s too hot in the morning). You can comfy sleep in your RV, if your roommate allows it. But it’s more interesting to have a rest at special camps, sinking in soft and dusty pillows. This morning on the picture I woke up fresh and well rested at #pinkheart camp. I saw this beautiful camp previous years. But this time I appreciated their work in full. Thanks you @halcyonpink for our sweet dreams. ⠀ Сон на Бернинг Мэн. БМ - ивент круглосуточный. И так жалко тратить время на сон. Но в этом году я молодец: дважды выспала 8 часов за сутки. Можно спать в своей палатке, но утром жарко. Можно в RV (доме на колёсах). Но интереснее в специальных лагерях, утопая в мягких пыльных диванах и бассейнах из подушек под кондиционером. ⠀ #burningman #burner #burningman2019 #pinkheart #pinkcamp #playa #blackrockcity #sleepwell #sleepingatburningman #бернингмэн

Публикация от Olya Paliushik | Singer (@olya_paliushik)

"Сон на Бёрнінг Мен. БМ — івэнт кругласутачны. І так шкада марнаваць час на сон. Але сёлета я малайчына: двойчы выспала 8 гадзін за суткі. Можна спаць у сваім намёце, але раніцай горача. Можна ў RV (доме на колах). Але цікавей у спецыяльных лагерах, патанаючы ў мяккіх пыльных канапах і басейнах з падушак пад кандыцыянерам".

Воля Палюшык

Мікалай Знахарчук

Мікалай разам з Вольгай спявае ў гурце PROSSPEKT. Упершыню ён пабываў на Burning Man у 2017 годзе. Гэта, можна сказаць, ужо вопытны "бёрнер".

"Burning Man 2019 — гэта не проста музыка. Для мяне гэта ўсё пра людзей, маю сям'ю і сяброў з усяго свету, якія падзяліліся гэтым выдатным часам са мной! Я люблю вас усіх маіх выдатных людзей! У мяне цяпер нейкая дэкампрэсія, але ўсе гэтыя фатаграфіі прымушаюць мяне адчуваць сябе шчаслівым! Мір, любоў і абдымкі ўсім!"

Мікалай Знахарчук

Валерый Астрынскі

Бізнес-анёл Валерый таксама ўжо не першы раз на фэсце. Упершыню ён паўдзельнічаў у Burning Man летась. Да таго як ён на яго трапіў, думаў, што фестываль падобны на Каzантып. Наведаўшы фестываль другі раз, Валерый падзяліўся такімі меркаваннямі:

"Некалькі думак пра Burning Man. Перш за ўсё, гэта найвышэйшая канцэнтрацыя дзіўных, нестандартных (не нармальных) людзей. Велізарная колькасць арт-аб'ектаў, якія выбіваюць мозг, стварае сюррэалістычны свет, у якім ты жывеш цэлы тыдзень (мы, як будаўнікі, жылі нават два). Ну і вядома, BURNING MAN — гэта пра агульную эмпатыю, кожны лагер робіць бясплатна нешта цікавае і карыснае для ўсяго кам'юніці, людзі максімальна ветлівыя і пазітыўныя. Пустыня ўраўноўвае і аб'ядноўвае абсалютна розных людзей, дае магчымасць вастрэй усвядоміць, якія дзівосныя рэчы можа зрабіць чалавек, захоплены ідэяй і аб'яднаны ў кам'юніці аднадумцаў з аднолькавымі каштоўнасцямі".

 

Валерый Астрынскі

Чым яшчэ цікавы Burning Man, на думку Валерыя, дык гэта выпадковымі сустрэчамі з цікавымі людзьмі:

"Вось так сядзім вечарком, размаўляем пра жыццё за бутэлечкай саке, а тут заходзіць у наш лагер Ірына Хакамада. Пачаставалі марожанкай і душэўна пагутарылі пару гадзін".

Алена Рабкіна

Фрылансер Алена прыехала першы раз і вельмі хвалявалася перад паездкай: 

"Калі я рыхтавалася да БМ, я была ў суперстрэсе, бо немагчыма падрыхтавацца да таго, што ты сам да канца не разумееш, што ўвесь час мяняецца і для кожнага сваё. Але самае лепшае, што ты можаш зрабіць, прыехаўшы на БМ, — гэта даверыцца патоку і стаць ім. Так ты давяраеш сабе, што пабудуеш дом-юрту, і памочнікі-будаўнікі бяруцца з ніадкуль, ты давяраеш, што вернеш кату зрок, перапісваешся з мастаком, клапоцячыся пра яго творы мастацтва. З пустыні можна прыбраць арт-екты, вечарынкі, музыку і перанесці ў іншае месца. Але тое моцнае пачуццё кам'юніці — гэта робіць БМ асаблівым. Увесь тыдзень мяне не пакідала пачуццё, што кожны з нас тут, каб зрабіць вопыт другога лепшым, наколькі гэта ў яго сілах ", — расказвае Алена ў сябе ў "Інстаграме".

Алена Рабкіна

Сярод фатаграфій Алены з Burning Man можна заўважыць аўтазак са стразаў на фоне голай дупы. Ён створаны беларускай арт-групай Hutkasmachnaa.

"БМ і nudity: як казаў мне Атавіа, не рыхтуй касцюмы, just go naked. На самай справе на фэсце не важна, як ты выглядаеш, важна, як ты сябе адчуваеш. Нягледзячы на ​​ўсю візуальную сілу фестывалю, кучы касцюмаў і аб'ектаў «на паглядзець», ён наогул не пра гэта. Ну і так, голенькай раз'язджаць па пустыні, вядома, афігенна: вецер, сіла цела, прастор і свабода".

 

Алена Рабкіна

"Адным з маіх заняткаў на БМ было здымаць незнаёмцаў і потым адпраўляць ім іх фота пасля фэсту. Тут знаёмцы і незнаёмцы: Сэм, хлопцы з лівінг рум, самы ветлівы ў свеце брытанец Мэцью, Фіш, які вярнуў з таго свету мой вел і ледзь не аддаў свой, Хамза, танцоўшчыкі, рабяткі са стылем з Эмпаір і пажылая пара, якая няспешна гуляе насустрач Бёрнінг Мену, які гарыць, з вайбам байцоўскага клуба".

Алена Рабкіна

Кацярына Саковіч

Кацярына год таму пераехала ў ЗША і зараз жыве і працуе ў Сан-Францыска са стартапамі. У "Інстаграме" яна дзеліцца кароткімі нататкамі наконт фестывалю і сваімі заўвагамі і эмоцыямі.

Вось яна расказвае пра самыя неабходныя рэчы на ​​Burning Man: "Ровар, салёныя агурочкі, маска і акуляры, вада, футра, ID і кубак. Усё астатняе знаходзіць цябе само. І як аказалася, піць кактэйлі з пылам і не мыцца тыдзень — зусім не страшна! Настальгую як па самым вар’яцкім гадовым лагеры і выкладваю адкладзеныя сторыз".​

Кацярына Саковіч

Пра адчуванне камфорту нягледзячы на ​​суровыя ўмовы ў пустыні: "Умовы пустыні, вецер, пыл, адсутнасць звыклага камфорту, здавалася б, павінны раздражняць, а атрымліваецца, што, наадварот, робяць усё нашмат прасцейшым".​

Кацярына Саковіч

І пра атмасферу: "На Burning Man усе становяцца вельмі прыгожыя, таму што пыл замятае нюансы, вакол атмасфера агульнага шчасця і любові, а кактэйлі наліваюць проста так".​

Кацярына Саковіч

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.