Дапрацаваны беларускі электрамабіль пакажуць да канца 2018 года
![Дапрацаваны беларускі электрамабіль пакажуць да канца 2018 года](/sites/default/files/styles/gallery_main/public/2023-08/000021b1b3968a8d6cec04432581840025232f403165.jpg.webp?itok=E7YXv440)
Дапрацаваны беларускі электрамабіль пакажуць да канца 2018 года. Пра гэта паведаміў старшыня прэзідыума Нацыянальнай акадэміі навук Уладзімір Гусакоў.
Як вядома, першы беларускі электрамабіль быў прэзентаваны ў жніўні 2017 года. Эксперыментальны асобнік быў створаны інжынерамі Аб’яднанага інстытута машынабудавання на базе серыйнай машыны GeelySC7 беларускай зборкі. Магутнасць яе рухавіка складае 60 кВт. У пачатку 2018-га электрамабіль паставілі на ўлік у ДАІ. Аляксандр Лукашэнка даручыў працягваць яго ўдасканаленне.
Гусакоў адзначае, што летась паказвалі “прыкладную мадэль”, а цяпер ідзе праца “над цалкам беларускім узорам электрамабіля”. Пры гэтым ён будзе прадстаўнічага класа, сярэдняга класа і даступны для шырокіх слаёў насельніцтва. "Ён павінен быць даступны па цэнах і зручным у выкарыстанні”, — кажа старшыня прэзідыума Нацыянальнай акадэміі навук.
Уладзімір Гусакоў падкрэслівае, што пытанне аб вытворчасці беларускіх электрамабіляў паставяць толькі ў тым выпадку, калі яны па сваіх тэхнічных характарыстыках не будуць саступаць замежным аналагам. І на сённяшні дзень айчынныя спецыялісты паспяхова прасоўваюцца наперад.