Данбаскія сепаратысты назвалі дату абмену палоннымі
![Данбаскія сепаратысты назвалі дату абмену палоннымі](/sites/default/files/styles/gallery_main/public/2023-08/zacharczanka-2512.jpg.webp?itok=8jEWt4fd)
Кіраўнік так званай "ДНР" Аляксандр Захарчанка паведаміў, што абмен палоннымі з Украінай адбудзецца 27 снежня паводле формулы "306 на 74", інфармуе hromadske.ua.
Сваю заяву Захарчанка зрабіў пасля сустрэчы з маскоўскім патрыярхам Кірылам. На гэтай сустрэчы прысутнічалі таксама ўкраінскі палітык і бізнэсовец Віктар Медзвядчук і кіраўнік так званай "ЛНР" Леанід Пасечнік.
Віктар Медзвядчук заявіў, што дамоўленасць наконт часу і месца абмену палоннымі дасягнутая. Па яго словах, гэта быў завяршальны этап перамоваў.
Раней прадстаўніца Украіны ў Трохбаковай кантактнай групе Ірына Герашчанка казала, што баевікі ўнеслі ў спісы на абмен новыя імёны, што вядзе да зрыву працэсу. Па яе словах, сярод 152 закладнікаў на Данбасе ёсць журналісты, валанцёры, падлеткі і дзевяць жанчын.