Дальнабойшчык з Беларусі загінуў у Літве, рамантуючы сваю фуру
![Ілюстрацыя: Policja.pl](/sites/default/files/styles/gallery_main/public/2023-08/fura.jpg.webp?itok=Q9suAw4h)
Ілюстрацыя: Policja.pl
Кіроўца з Беларусі загінуў у Сальчынінкайскім раёне Літвы, рамантуючы сваю фуру. Аўтамабіль крануўся з месца, калі дальнабойшчык ляжаў пад ім, займаючыся рамонтам.
Паведамленне аб трагедыі паступіла ў галоўны камісарыят паліцыі Віленскай акругі 26 кастрычніка ў 13:44. Загінуламу беларусу было 46 гадоў. Ён кіраваў грузавіком IVECO на беларускіх нумарах, што належыць літоўскай транспартнай кампаніі "Vilniaus tranzitas", піша сайт lrytas.lt.