ДАІ Мінска патлумачыла інцыдэнт з плотам латвійскай амбасады

ДАІ Мінска пракаментавала інцыдэнт з плотам латвійскай амбасады.

Як распавядала Еўрарадыё, 23 чэрвеня эвакуатар урэзаўся ў плот замежнага дыппрадстаўнцітва і часткова разваліў яго.

У ДАІ кажуць, што здарэнне адбылося каля 18:00. Як вынікае з тлумачэння, мужчына забыў паставіць аўтамабіль на тормаз падчас рамонту.

"Паводле папярэдняй інфармацыі, кіроўца грузавога эвакуатара "Мэрсэдэс", ажыццяўляючы рамонт аўтамабіля ў двары дома №8 па вуліцы Якуба Коласа, не забяспечыў меры, якія выключаюць самаадвольны адкат, у выніку чаго транспартны сродак пакаціўся і здзейсніў наезд на цагляны плот", — заяўляюць супрацоўнікі аўтаінспекцыі.

На кіроўцу склалі два адміністрацыйныя пратаколы.