Дацкая актрыса няўдала пажартавала ў Twitter над калумбійскімі футбалістамі
Нікалет Ван Дам зрабіла фотакалаж з выявамі дваіх гульцоў зборнай Калумбіі — Радамеля Фалькао і Хамеса Радрыгеса.
Яны, нібыта, нюхалі какаін, хаця насамрэч гэта быў белы спрэй, які арбітры выкарыстоўваюць для разметкі поля. У Нікалет Ван Дам 260 тысяч падпішчыкаў у Twitter, таму яе жарт выклікаў сапраўдны скандал.
Як паведамляе РІА "Новости", улады Калумбіі заявілі, што такія паводзіны недапушчальныя для актрысы, якая мае статус пасла добрай волі Дзіцячага фонда ААН. У выніку, Нікалет Ван Дам адмовілася ад ганаровага звання. А твіт з фотакалажам яна выдаліла, змясціла замест яго прабачэнні.
