Да +35 градусаў — сіноптыкі абвясцілі на аўторак аранжавы ўзровень небяспекі
Спёка ў Беларусі пакуль захаваецца / БЕЛТА
Праз гарачае надвор'е на аўторак, 22 чэрвеня, сіноптыкі абвясцілі аранжавы ўзровень небяспекі, паведамляе Белгідрамет. Паветра днём прагрэецца да 29-34 градусаў цяпла, а месцамі па паўднёвым усходзе — і да +35.
Чакаецца пераменная воблачнасць і пераважна без ападкаў. Дажджы калі і будуць, то кароткачасовыя, і яны пройдуць месцамі. Магчымыя навальніцы.
Такое ж надвор'е захаваецца ў сераду і чацвер. Тэмпература паветра ўдзень будзе дасягаць 35-36 градусаў цяпла. 23 чэрвеня па захадзе краіны і 24 чэрвеня месцамі па рэспубліцы магчымыя кароткачасовыя дажджы і навальніцы.
