Вы тут

Ціханоўская адмяніла сённяшні мітынг у парку Дружбы народаў

Святлана Ціханоўская / Еўрарадыё

Кандыдат у прэзідэнты Святлана Ціханоўская адмяніла сённяшні мітынг у парку Дружбы народаў у Мінску. Прычына — дзеянні ўладаў, якія арганізавалі "святочнае мерапрыемства" на тым жа месцы. Прэс-служба Ціханоўскай назвала іх "абсалютна незаконнымі". Як вядома, раней сустрэчы Святланы Ціханоўскай з выбарцамі былі сарваныя ўладамі ў Слуцку і Салігорску. Там нават затрымалі два дзясяткі людзей.

"Мы абскардзілі гэтае рашэнне ў Генеральную пракуратуру, ЦВК і Мінгарвыканкам, але мы не будзем правакаваць людзей", — піша прэс-служба.

Але ў 19:00 кандыдат у прэзідэнты разам з Веранікай Цапкала і Марыяй Калеснікавай, "як грамадзяне Рэспублікі Беларусь", наведаюць Кіеўскі сквер у сталіцы — там будзе праходзіць арганізаваны гарадскімі ўладамі "Дзень адкрытых дзвярэй установаў дадатковай адукацыі".

На відэа — сённяшні стрым Еўрарадыё з парку Дружбы народаў, куды сёння каманда Ціханоўскай спрабавала завезці апаратуру для мітынгу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.