Ці паедзе Лукашэнка на саміт у Брусель? Гутарка з Дзянісам Мельянцовым (відэа)
Саміт Усходняга партнёрства пройдзе ў Бруселі 24 лістапада. Паводле інфармацыі СМІ, запрашэнні “без абмежаванняў” ужо накіраваныя ўсім шасці краінам-удзельніцам праграмы: Беларусі, Арменіі, Азербайджану, Грузіі, Малдове і Украіне. У выпадку з нашай краінай адсутнасць абмежаванняў азначае, што Аляксандр Лукашэнка, з якога ў 2015 знялі візавыя санкцыі ЕС, можа паехаць у Брусель.
Ці будзе кіраўнік Беларусі прысутнічаць на саміце Усходняга партнёрства? Ці захоча бачыць яго ў сваёй сталіцы Еўрасаюз? Якая карысць для Беларусі, калі яна на гэтым саміце будзе прадстаўленая кіраўніком краіны? На гэтыя і іншыя тэмы ў жывым эфіры Еўрарадыё пагаварылі са старшым аналітыкам Беларускага інстытута стратэгічных даследаванняў Дзянісам Мельянцовым.
