Ці атрымаецца ў прысяжных выцягнуць усе “шкілеты з шафы” лідара J:Морс?
Авантурная ідэя прадзюсара Уладзіміра Максімкава паставіць свой спектакль аказваецца не такім ужо і жартам, як падавалася напачатку. Ужо не толькі прызначаная дата прэм’еры “Шоу прысяжных засядацеляў”, але і пачаліся рэпетыцыі задуманага пачынаючым тэатральным рэжысёрам Уладзімірам Максімкавым інтэрактыўнага шоу.
Чым аматарская ідэя Максімкава зацікавіла заслужанага артыста? Як сабраць выдатную трупу для ажыццяўлення падобнай на авантуру ідэі? Што прымусіла лідара J:Морс Уладзіміра Пугача пагадзіцца на тое, каб “прысяжныя засядацелі” на публіку выцягвалі ўсе яго прыхаваныя “шкілеты з шафы”?
На гэтыя ды іншыя пытанні ў жывым эфіры Еўрарадыё адказваюць аўтар і рэжысёр спектакля “Шоу прысяжных засядацеляў” Уладзімір Максімкаў і заслужаны артыст Беларусі, актор тэатра імя Янкі Купалы Ігар Дзянісаў.
