Чыноўнік: Студэнт можа адмовіцца ад размеркавання, калі яму не даюць жыллё

Калі маладыя спецыялісты не маюць свайго жылля ў горадзе, куды яны размеркаваны, паводле закону іх павінны забяспечваць месцам жыхарства.
Кіраўнік аддзелу кадраў камітэта па адукацыі Мінгарвыканкама Святлана Главацкая распавяла Еўрарадыё, што у выпадку, калі такія гарантыі не прадстаўляюцца, выпускнік можа не ехаць працаваць па размеркаванні.

Святлана Главацкая: “Калі якая-небудзь арганізацыя запрашае спецыяліста, які не мае жылля ў іх у горадзе, значыць яна будзе прадстаўляць гарантыі, напрыклад аплачваць здыманне кватэры або прадстаўляць інтэрнат. Калі гэтага не будзе, канешне студэнт можа не згадзіцца”.