Чым гандляры з Азіі перашкаджаюць айчынным ІП? Размаўляем з Анатолем Шумчанкам
Адной з галоўных праблем, якая перашкаджае ім нармальна працаваць, беларускія прадпрымальнікі лічаць прыход на беларускі рынак канкурэнтаў з Сярэдняй Азіі. Агучаная гэта праблема была на Форуме прадпрымальнікаў 2 кастрычніка. Маўляў, узбекскія гандляры актыўна адчыняюць свае гандлёвыя кропкі ва ўсіх рэгіёнах Беларусі, але гандлююць сваім танным таварам з парушэннямі беларускага заканадаўства.
Чаму на самой справе беларускія прадпрымальнікі выступаюць супраць канкурэнтаў з Сярэдняй Азіі? Як да іх абвінавачванняў у бок узбекскіх гандлёвых сетак рэагуюць кантралюючыя органы Беларусі? Ці толькі ў канкурэнтах праблема выжывання айчынных прадпрымальнікаў, і ці ўсе яны “белыя і пухнатыя” перад беларускім спажыўцом і заканадаўствам?
На гэтыя ды іншыя пытанні ў жывым эфіры Еўрарадыё адказаў кіраўнік Рэспубліканскага грамадскага аб’яднання “Перспектыва” Анатоль Шумчанка.
