Чэхія ўводзіць татальны кантроль на Эболу ў аэрапорце Прагі
Пра гэта заявіў міністр аховы здароўя Чэхіі Сватаплук Немечэк.
Паводле яго слоў, з 21 кастрычніка ўсе пасажыры загадзя, яшчэ ў самалёце, павінны будуць запоўніць спецыяльны апытальнік, паказаўшы ў тым ліку, дзе знаходзіліся на працягу апошніх 42 дзён.
У выпадку, калі хтосьці з пасажыраў паведаміць аб сваім нядаўнім знаходжанні ў краінах з шырокім распаўсюджваннем гэтай смяротнай ліхаманкі, ён павінен будзе ў аэрапорце, у спецыяльна падрыхтаваным памяшканні, прайсці пільны медыцынскі кантроль. Акрамя таго, медыкі павінны будуць атрымаць поўнае ўяўленне аб тым, дзе канкрэтна ў Чэхіі гэты чалавек будзе знаходзіцца ў бліжэйшыя месяцы.
Міністр таксама паведаміў, што ў межах падрыхтоўкі да магчымага з'яўлення ў Чэхіі хворых на вірус Эбола прыведзены ў поўную гатоўнасць спецыяльны цэнтр біялагічнай аховы Мінабароны ў горадзе Цехоніне, які створаны для хворых з сур'ёзнымі інфекцыйнымі захворваннямі, інфармуе БелТА.
