Былы прэс-сакратар КДБ стаў намеснікам гендырэктара "Белтэлекама"
Аляксандр Базанаў таксама працаваў у беларускай амбасадзе ў Нямеччыне, ачольваў Інфармацыйна-аналітычны цэнтр пры Адміністрацыі прэзідэнта.
У "Белтэлекаме" Базанаў адказвае за ўзаемадзеянне з дзяржаўнымі органамі і знешнія сувязі, інфармуе БелаПАН.
Як паведамлялася раней, 18 ліпеня Аляксандр Лукашэнка вызваліў Аляксандра Базанава ад пасады дырэктара Інфармацыйна-аналітычнага цэнтра пры Адміністрацыі прэзідэнта ў сувязі з выхадам у адстаўку. Базанаў займаў гэтую пасаду з 4 лістапада 2010 года. У лютым 2011-га ён быў уключаны ў спіс беларускіх чыноўнікаў, неўязных у краіны ЕС. Новым дырэктарам Інфармацыйна-аналітычнага цэнтра прызначаны Аляксей Дэрбін.
