Абвінавачаны ў дагаварным матчы адсудзіў у "Іслачы" амаль 5 тысяч рублёў
Паўабаронца Аляксандр Цішкевіч адсудзіў у футбольнага клуба “Іслач” 4711 рублёў 36 капеек. У выпадку нявыплаты рахункі каманды будуць арыштаваныя, паведамляе by.tribuna.
Судовы працэс Цішкевіча супраць “Іслачы” пачаўся ўвосень мінулага года. Прычынай пазову стала тое, што футбалісту ў пэўны момант перасталі выплачваць заробак. Цяпер кропку ў гэтай справе паставіў Вярхоўны суд, які з’яўляецца судом апошняй інстанцыі.
31-гадовы футбаліст пачаў сваю прафесійную кар’еру ў 2002 годзе. З таго часу ён практычна кожны сезон мяняў клуб. Долей за ўсё ён затрымаўся ў мінскім “Дынама” (2004-2006) і ў “Іслачы” (2014-2016). Таксама ён выступаў за шэраг еўрапейскіх клубаў, кожны раз не болей за сезон.
Цяпер Цішкевіч не гуляе, але на сёння праходзіць па справе аб арганізацыі дагаварнога матчу.