Былому следчаму Яўгену Юшкевічу прысудзілі 11 гадоў калоніі
Яўген Юшкевіч / Наша Ніва
Былога следчага Яўгена Юшкевіча асудзілі на 11 гадоў калоніі ўзмоцненага рэжыму. Прысуд быўагучаны ў Мінскім гарадскім судзе 26 снежня, перадае праваабарончы цэнтр "Вясна".
Суд над Юшкевічам быў закрыты і працягваўся больш за месяц. 33-гадовага экс-следчага судзілі па шасці артыкулах Крымінальнага кодэкса, у тым ліку за "арганізацыю масавых беспарадкаў" у 2020 годзе, "распальванне іншай сацыяльнай варожасці" ў інтэрв'ю і тэкстах у сацсетках, "пагрозу гвалтам" начальніку ІЧУ на Акрэсціна праз твіт.
Справу разглядала суддзя Алена Ананіч.
Юшкевіч раней служыў у Следчым камітэце. А ў 2020-м годзе ініцыяваў праект ByChange, каб дапамагчы ў перападрыхтоўцы сілавікоў і чыноўнікаў, якія сышлі з працы па меркаваннях сумлення ці якіх звольнілі.
Праваабаронцы прызналі Юшкевіча палітвязнем.
Марыя Колесава-Гудзіліна, якая раней была адвакаткай Юшкевіча, напісала, што справа пабудаваная на домыслах, а сам экс-следчы невінаваты.
Ответственно заявляю, что @ewenk_yu невиновен! Дело построено на домыслах. Именно за это уголовное дело я лишилась лицензии , но никогда об этом не жалела. Я не могу стоять рядом в суде, но знаю точно, что он достойно все выдержит! Я им очень горжусь! pic.twitter.com/GTQSKThd4M
— Mary Kolesova-Hudzilina (@kolesovahudz) December 26, 2022
