Былога прэс-сакратара A1 асудзілі на 4 гады калоніі
![Мікалай Брэдзелеў / "Наша Ніва"](/sites/default/files/styles/gallery_main/public/2023-08/786a7837-2ihvs.jpg.webp?itok=AnWUTxlX)
Мікалай Брэдзелеў / "Наша Ніва"
Былога прэс-сакратара мабільнага аператара A1 Мікалая Брэдзелева асудзілі на 4 гады калоніі, паведамляюць праваабаронцы. Яго абвінавачвалі і прызналі вінаватым у фінансаванні экстрэмісцкай дзейнасці і злоўжыванні службовымі паўнамоцтвамі. Аднак дзяржаўная "СБ" піша, што па артыкуле "Злоўжыванне ўладай або службовымі паўнамоцтвамі" яго апраўдалі "за недаказанасцю ўдзелу ў здзяйсненні злачынства".
Такім чынам, 4 гады Брэдзелеў атрымаў за "фінансаванне экстрэмісцкай дзейнасці".
Іншыя падрабязнасці невядомыя, паколькі гэта справа два месяцы разглядалася ў закрытым рэжыме.
Брэдзелева затрымалі ў снежні 2021 года. Праваабаронцам вядома, што сілавікі яго збівалі. На "пакаяльным" відэа Мікалай казаў, што перадаваў блогеру Антону Матольку інфармацыю, "звязаную з яго прафесійнай дзейнасцю". Але ў кампаніі A1 пазней заявілі, што Мікалай не меў доступу да дадзеных кліентаў. Праваабаронцы прызналі Мікалая Брэдзелева палітвязнем.
Mikalai Bredzeleu, former head of the public relations department of A1 Belarus, sentenced to 4 years in penal colony for "financing extremism" and "abuse of authority".#StandWithBelarus #Belarus #PoliticalPrisoners pic.twitter.com/DJKGcR0Vhu
— Euroradio in English (@Euroradio_EN) October 24, 2022
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.