Букмекеры лічаць Азаранку другой прэтэндэнткай на перамогу на "Australian Open"
Букмекеры лічаць тэнісістку Вікторыю Азаранку другой прэтэндэнткай на перамогу на "Australian Open". Адкрыты чэмпіянат Аўстраліі стартуе 19 студзеня ў Мельбурне. Каэфіцыент на перамогу беларускі — 7.5, лепшы ён толькі ў амерыканкі Серэны Уільямс — 3.0. Азаранка апярэджвае больш рэйтынгавых Марыю Шарапаву і Сімону Халеп, верагоднасць перамогі якіх ніжэйшая, інфармуе "Прессбол".
Пакуль жа беларуская тэнісістка рыхтуецца да турніру ў Брысбене, які стартуе 3 студзеня. Яна паведаміла, што ўжо знаходзіцца ў Аўстраліі і выклала ў Instagram сваё жартаўлівае фота.
Нагадаем, леташні сезон для Вікторыі Азаранкі быў няўдалым. Яна не выйграла ніводнага тытулу WTA.
Фота: ria.ru, Instagram
