Брэсцкі гімназіст загінуў, зваліўшыся з турніка
![Брэсцкі гімназіст загінуў, зваліўшыся з турніка](/sites/default/files/styles/gallery_main/public/2023-08/turnik-1905.jpg.webp?itok=VfFB2gKo)
Брэсцкі гімназіст на перапынку вырашыў паказаць "сонейка" на турніку. Для 17-гадовага хлопца гэта скончылася складаным пераломам пазваночніка, паведамляюць "Мінск-Навіны" са словаў афіцыйнай прадстаўніцы Следчага камітэта Юліі Ганчаровай.
Здарэнне адбылося 12 траўня. Гімназіст з двума аднакласнікамі на перапынку выйшаў на стадыён. Хлопец хацеў пахваліцца перад імі сваімі ўменнямі. Ён стаў разгойдвацца на турніку, каб паказаць, як умее круціцца на перакладзіне з выцягнутымі рукамі. У нейкі момант падчас чарговага разгойдвання ён сарваўся з турніка і зваліўся на зямлю галавой уніз.
У выніку падзення школьнік атрымаў закрытую чэрапна-мазгавую траўму, пераломы шыйных пазванкоў, а таксама комплекс розных іншых траўмаў.
Яму прызначылі судова-медыцынскую экспертызу, каб дакладна выявіць колькасць і ступень цяжкасці атрыманых траўмаў. Сам юнак быў у рэанімацыі пад апаратам штучнай вентыляцыі лёгкіх. 19 траўня ён памёр.
Следчы камітэт займаецца праверкай інцыдэнту. "Апытаныя відавочцы, настаўнікі і кіраўніцтва гімназіі, правяраецца тэхнічная дакументацыя на спартыўны інвентар", — кажа Ганчарова.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.