Борыс Джонсан — пра гераічны ўнёсак беларусаў у барацьбу за свабоду ва Украіне
![Борыс Джонсан і Святлана Ціханоўская / https://twitter.com/BorisJohnson/](/sites/default/files/styles/gallery_main/public/2023-08/BC_0.jpg.webp?itok=2LVqtk-t)
Борыс Джонсан і Святлана Ціханоўская / https://twitter.com/BorisJohnson/
Экс-прэм'ер Вялікабрытаніі Борыс Джонсан сустрэўся ў Лондане са Святланай Ціханоўскай. Яны абмеркавалі сітуацыю ў Беларусі і "нядаўнюю мужную акцыю беларускіх партызанаў па пашкоджанні [расійскага] самалёта А-50 у Мачулішчах". Ціханоўская адзначыла, што гэта паказала "неабароненасць і слабасць рэжыму [Аляксандра Лукашэнкі]".
Ціханоўская і Джонсан абмеркавалі дапамогу для беларускіх добраахвотнікаў ва Украіне. Высветлілася, што былы прэм’ер добра ведае, як шмат беларусы робяць для падтрымкі Украіны, а таксама для абароны сваёй незалежнасці і для набліжэння дэмакратычных пераменаў, піша прэс-служба Святланы Ціханоўскай. Сам Борыс Джонсан напісаў у Twitter пра "гераічны ўнёсак беларусаў у барацьбу за свабоду ва Украіне". Ён таксама пацвердзіў "падтрымку свабоднай і незалежнай Беларусі".
Ціханоўская заклікала Джонсана "трымаць Беларусь на міжнародным парадку дня і ўзяць патранаж над адным з [беларускіх] палітвязняў".
I admire @BorisJohnson's brave actions for Ukraine. Today I asked him to support Free Belarus too & shared how Belarusians help Ukraine. We discussed the recent partisan attack on a Russian aircraft & Belarusian fighters' bravery in Ukraine. We’ll work together to support them. pic.twitter.com/qe6yydGlMI
— Sviatlana Tsikhanouskaya (@Tsihanouskaya) March 7, 2023
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.