Білі Корган выдаў інструментальны альбом, запісаны ў 2007-м годзе
Музыка паслухаў матэрыял і вырашыў, што ў ім "ёсць нешта медытатыўнае і ў той жа час пазазямное".
Білі Корган выпусціў абмежаваным і дарагім тыражом падвойны інструментальны альбом "AEGEA". Запісы для яго лідар The Smashing Pumpkins зрабіў яшчэ ў 2007-м. Адну з 250 копій першага прэса можна набыць на сайце Madam ZuZu's, 50 з іх надрукаваныя на каляровым вініле.
Корган называе "AEGEA" эксперыментальнай працай, "падобнай больш на саўнд-трэк да згубленага фільма", чым да той музыкі, з якой заведзена асацыяваць музыканта. "Я пераслухаў "AEGEA" наноў, і мне спадабалася, як яна развіваецца, у ёй ёсць нешта медытатыўнае і ў той жа час пазазямное", — кажа Білі.
Дарэчы, сёлета музыка запланаваў выхад ажно двух "эпічных" лонгплэяў The Smashing Pumpkins.
Паводле zvuki.ru
Фота: www.smh.com.au
