БГ апублікаваў кліп на песню "Праздник урожая во дворце труда" (відэа)
У відэа кадры вулічнага супраціву мяжуюцца з фрагментамі савецкай хронікі.
Трэк "Праздник урожая во дворце труда" нядаўна выйшаў у складзе аднайменнага сінгла, які лідар расійскага гурта "Аквариум" прадставіў публіцы 27 лістапада, калі яму споўнілася 60 гадоў. Акрамя загалоўнай песні, на сінгле прадстаўлены ўжо вядомы трэк "Губернатор", а таксама кампазіцыя " Не было такой и не будет".
Акрамя таго, 3 снежня выйшаў альбом "Аквариум Плюс". Пласцінка часткова складаецца са старых рарытэтных трэкаў, перазапісаных ў новых аранжыроўках.
