Беспілотнік атакаваў аэрадром у расійскім Курску

Пажар пасля атакі / Telegram

6 снежня беспілотнік атакаваў аэрадром у расійскім Курску. Пра гэта ў Telegram паведаміў губернатар Курскай вобласці Раман Старавойт. Ён піша пра ўзгаранне нафтанакапіцеля "ў раёне аэрадрома". Старавойт сцвярджае, што ахвяр няма, а "пажар лакалізуецца".

У панядзелак беспілотнікі атакавалі аэрадромы ў Разанскай і Саратаўскай абласцях РФ. У расійскім Мінабароны праз нейкі час прызналі факт атакі, але сцвярджалі пра нязначныя пашкоджанні самалётаў. Неўзабаве з'явіліся здымкі, якія сцвярджалі адваротнае. Па афіцыйных даных, загінулі тры чалавекі.

kurskcity.ru

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.