"Белнафтахім" з лістапада пафарбуе салярку, каб не кралі

Пачынаючы з лістапада дызельнае паліва, якое адпускаюць сельгаспрадпрыемствам, будзе пафарбавана ў зялёны колер, а бензін Н-80 стане сінім.

З чым звязана гэтае новаўвядзенне, даведаўся наш карэспандэнт Аляксей Мурланаў:

“Як паведаміў кіраўнік прадпрыемства “Беларуснафта-Брэстаблнафтапрадукт” Віталь Іванюк, пафарбаванае паліва з’явіцца з пачатку наступнага месяца ва ўсёй краіне.

Гэты крок тлумачыцца вялікай колькасцю крадзяжоў саляркі і бензіну з сельгаспрадпрыемстваў. Паліва з нехарактэрным колерам аніяк не можа пашкодзіць рухавік і поўнасцю адпавядае стандартам”.


Стала вядома, што рэагенты, якія нададуць паліву колер, вырабляюцца толькі ў Францыі, Швейцарыі і Англіі. Адзін кілаграм рэактыву каштуе каля 10 долараў, але каб пафарбаваць адну тону саляркі, яго спатрэбіцца толькі 30 грамаў.

Дарэчы, пакуль невядома, якім чынам каляровае паліва дапаможа скараціць колькасць крадзяжоў.

Апошнія навіны

Галоўнае

Выбар рэдакцыі